فعآڷيآٺْ آڷمنٍٺْدى..||~

    القصيدة التي أعجبت الأمير سلطان ووقف لها خالدالفيصل!!!

    شاطر

    أميرة الورد
    عضۉ مآسي
    عضۉ مآسي

    آڷجنٍس : انثى
    عدد آڷمسآهمآٺْ : 399
    آڷنٍقآط : 643
    آڷعمر : 27
    آڷبــڷد : فى احضانـ الورد
    S M S : " أحبك " يعني : ما أقدر أتركك : يابعد ناسي !

    القصيدة التي أعجبت الأمير سلطان ووقف لها خالدالفيصل!!!

    مُساهمة من طرف أميرة الورد في 2009-12-21, 4:56 am

    القصيدة التي أعجبت الأمير سلطان ووقف لها خالدالفيصل!!!

    قصيدة الشاعـر المـلازم / مشعـل الحارثـي


    خل النياح وفارق العش ياطير= غـرد وهـز الريـش فـي كـل عـالـي

    اليـوم هـذا غيـر وأيامنـا غيـر= والبارحة ماهـي سـوات الليالـي

    الأرض صارت في عيوني نواويـر= والبدر تـم وجـا مكـان الهلالـي

    وأبها تحدت فـي بهاهـا الغناديـر= فلـت جدايلهـا وقامـت تـلالـي

    وفي وجه خالد للفرح الـف تعبيـر= وحجاج فيصل فيـه كـل أبتهالـي

    من السعاده باقـي شـوي ونطيـر= عزالله أن اللي لفـا الـدار غالـي

    يامرحبـا مـاغـردن العصافـيـر= مرحبـا مـازاف نبـت الرمـالـي

    ترحيبٍ أحلى من حليب المصاغيـر= وضحٍ رعت روضٍ ربيـعٍ وخالـي

    ياللي شكت رجله طـوال المشاويـر= ياطـا بهـا درب الخطـر مايبالـي

    قرت عيون اللـي يحبـون ياميـرطاريك = وإلا الحين شفتـه قبالـي

    ياما حسبت الوقت حسـب الدنانيـر= أسامـر نجـوم الثـريـا لحـالـي

    مبطي وانا أسمع فيك وصف البياطير= واليوم جالي في القصيـدة مجالـي

    ياسيـدي مـال القوافـي معاذيـر= عـن البيـوت الوافيـات الجزالـي

    من لاجعـل للمـدح قيمـة وتقديـر= ماظنتـي يلفـت ذهـون الرجالـي

    وأنت الذي معك سحـاب المزابيـر= تمشـي ويتبعـك الحيـا والخيالـي

    وأنت الذي بأسمك تبـاح الأساريـر= مثلك له أسمـاء عـراضٍ طوالـي

    سلطان ياسلطان من يومـك صغيـر= مافي تسلطانـك وشخصـك جدالـي

    كانوا ولا زالـوا يسمونـك الخيـر= وياكثر السماء اللي تزاحـم فبالـي

    كريم سبـلا إلا زبـون المخاسيـر= طلـق الحجـاج إلا بعيـد المدالـي

    درع البـلاد إلا طويـل الأشابـيـر= أبـو اليتيـم إلا عشيـق المعالـي

    لاوالله لبن مسطر المجـد تسطيـر= على حصى الأرض ونفود الرمالـي

    واخو فهـد ذروة سنـام المشاهيـر= صفوة ملوك الأرض بـأول وتالـي

    فهد ولا قلنـا فهـد جـاوب النيـر= تهتـز لإسمـه راسيـات الجبالـي

    زعيمنا اللي للعـلا واصـل السيـر= حتـى تعلينـا علـى كـل عـالـي

    مال الطموح بوسط رأسـه معاييـر=ولا للعوج عنـده ياكـود اعتدالـي

    اليا زعل تزعـل ملـوك وجماهيـر= واليا رضا ينهـي جميـع الجدالـي

    مايشبـه غيـر الثنيـن المناعيـر= أنته وأبو متعـب كريـم السبالـي

    عبد الله اللي فيه من سالـم الزيـر= خطل اليمين الليـث حـام التوالـي

    سقم العدو اليـا هـرج دون تفكيـر= رده على العـدوان جاهـز وحالـي

    نفخـر بكـم وإلا القصايـد تعابيـر= ياشيوخ نجد الشعـب كلـه موالـي

    والله لوفيكم عـن الملـك تقصيـر= ماخصكـم ربـي عزيـز الجلالـي

    منـا وفينـا مالفيـتـوا مـداويـر= حكامنـا وقـت الدهـور الهزالـي

    ورث الجدود أمن الليـال المعاسيـر= قبل القصور وقبل صـرف الريالـي

    هاك الزمان سلاحنـا حملـة بعيـر= مـن يومهـا متوثقيـن الحبـالـي

    منهاجنـا واضـح ولا فيـه تغييـر= نمـوت مانرضـى عليـه البدالـي

    مااستعمرونا اللي غذاهـم خنازيـر= تشهد لنا شهب السنيـن الخوالـي

    من قبل عاشر جد أبو بوش وبليـر= ماهي ثـلاث شهـور وإلا حوالـي

    واليوم في وقت الرخاء والتياسيـر= شفنـا العجـب لاوالله إلا الهبالـي

    ياكثـر ماقامـت تسـوق المقاديـر= وياشيب عينـي لاذكـرت وطرالـي

    المسجد اللي هزه أصـوات تفجيـر= في حـزةٍ فيهـا يجـاب السؤالـي

    والمسلم اللي ذبح مـن دون تبريـر= ودم الرضيع اللي على الوجه سالي

    ينشدك يامكفر هـل الديـن تكفيـر= وش حكم ذبح المسلمين العزالـي ؟

    تدبـر القـرآن والهـدي تدبـيـر= وأخذ الجـواب بصيغتـه والكمالـي

    فضحكـم الله يالوجيـه المغابـيـر= ياطغمـة التخريـب والإنحـلالـي

    واللي على الفتنـة تـدق المزاميـر= نعرف مطامعهم علـى كـل حالـي

    ونعرف من يدفع رسـوم الفواتيـر= يالحيـة اللـي جحرهـا الإحتلالـي

    لنحورهـم حنـا سـوات الأزاريـر= حنا حمـاة الديـن ياهـل الظلالـي

    الأرض نزرعها رمـاح ومساميـر= يحـرم عليهـم وطيهـا بالنعالـي

    ديارنـا ماهـي بكابـل وكشمـيـر= ياهمـلالـي صــدق ياهمـلالـي

    حامينها الأجـداد عـج ومعاصيـر= بسيوفهـم علـى ظهـور الجمالـي

    واليوم ياسلطـان شفهـم طوابيـر= ملوا من المجلاس تحـت الظلالـي

    يبـون يـومٍ فيـه للحـق تكبيـر= عـن الكـلام تبـان فيـه الفعالـي

    ياسيدي قل وش تبي بـس ويصيـر= حدد هدف لوهـو عسيـر المنالـي

    فالجـو نفاثـة وفالقـاع جنـزيـر= وأن مت هاك اليوم من طيب فالـي

    هـذا وطنـا ماسكـنـاه تهجـيـر= الجيش واحـد ماجمعنـا الحثالـي

    لو ينتخي عرعـر تلبيـه خرخيـر= كل الجنوب يصير جنـب الشمالـي

    لا ياوطـن لاتحسبـنـا مدابـيـر= لو الدهر في بعض الأحيـان مالـي

    طالبك لاتجفل مـن الوقـت وتذيـر= وكلنـا أبـنـاك وبالله الأتكـالـي

    وإن كان ماشفت السعد والتباشيـر= عيـبٍ علينـا لبسـنـا للبـدالـي

    نذرٍ علىّ لاحرسك وأفديـك وأغيـر= ديني وعرضي فيك وأغلـى حلالـي

    واللـي يأثـر فيـك بأيـات تأثيـر= أبرى منه لو كـان عمـي وخالـي

    وأن مت واخذتني صروف المقاديـر= والله لاوصـي فيـك حتـى عيالـي







    تقبلوا خالص تحياتي







    ..Šώêët☻Ġïяℓ..
    Admin
    Admin

    آڷجنٍس : انثى
    عدد آڷمسآهمآٺْ : 321
    آڷنٍقآط : 462
    آڷعمر : 27
    آڷبــڷد : k.s.a
    S M S : يآخذڳ يآدمعه طآحة عڷى خد آڷمۉآجـهـ}..مآعرفٺْي ٺْصبرينٍ ڷينٍ مآعينٍه ٺْرۉح..!!

    رد: القصيدة التي أعجبت الأمير سلطان ووقف لها خالدالفيصل!!!

    مُساهمة من طرف ..Šώêët☻Ġïяℓ.. في 2009-12-21, 7:13 am

    قصيده رااااائعه
    وتستااهل التقيم

    اموووره ثاانكس

    سهم
    عضۉ نٍشيط
    عضۉ نٍشيط

    آڷجنٍس : ذكر
    عدد آڷمسآهمآٺْ : 27
    آڷنٍقآط : 39
    آڷعمر : 32
    آڷبــڷد : السعوديه

    رد: القصيدة التي أعجبت الأمير سلطان ووقف لها خالدالفيصل!!!

    مُساهمة من طرف سهم في 2009-12-21, 9:51 am

    الله بعطيك العافيه

    أميرة الورد
    عضۉ مآسي
    عضۉ مآسي

    آڷجنٍس : انثى
    عدد آڷمسآهمآٺْ : 399
    آڷنٍقآط : 643
    آڷعمر : 27
    آڷبــڷد : فى احضانـ الورد
    S M S : " أحبك " يعني : ما أقدر أتركك : يابعد ناسي !

    رد: القصيدة التي أعجبت الأمير سلطان ووقف لها خالدالفيصل!!!

    مُساهمة من طرف أميرة الورد في 2009-12-21, 8:45 pm

    شكرا لمرورك العطر
    ادمن

    أميرة الورد
    عضۉ مآسي
    عضۉ مآسي

    آڷجنٍس : انثى
    عدد آڷمسآهمآٺْ : 399
    آڷنٍقآط : 643
    آڷعمر : 27
    آڷبــڷد : فى احضانـ الورد
    S M S : " أحبك " يعني : ما أقدر أتركك : يابعد ناسي !

    رد: القصيدة التي أعجبت الأمير سلطان ووقف لها خالدالفيصل!!!

    مُساهمة من طرف أميرة الورد في 2009-12-21, 8:46 pm

    شكرا لمرورك الرائع
    سهم

    o0oأخجل أنفاسo0o
    عضۉ نٍشيط
    عضۉ نٍشيط

    عدد آڷمسآهمآٺْ : 30
    آڷنٍقآط : 40

    رد: القصيدة التي أعجبت الأمير سلطان ووقف لها خالدالفيصل!!!

    مُساهمة من طرف o0oأخجل أنفاسo0o في 2010-01-06, 4:36 pm

    ياما حسبت الوقت حسـب الدنانيـر= أسامـر نجـوم الثـريـا لحـالـي

    يعطيكـ الف عافيه ياعسل ع الابداعـ شي جونان مشكورهـ ع النقل الروعهـ هذا

      الوقت/التاريخ الآن هو 2017-01-17, 7:44 am